Policia vazhdon realizimin e Urdhrit Operativ ‘GODITJA’ – Arrestohen 72 persona
Policia e Kosovës përmes njoftimit të fundit ka bërë me dije se po vazhdon realizimin e Urdhrit Operativ ‘Goditja’, raporton GazetaBlic.
Qysh nga data 8 deri më 12 Gusht, PK-ja njofton se janë realizuar 2154 Pika Kontrolli për Automjete, janë kontrolluar 12038 vetura, 229 lokale dhe janë arrestuar 72 persona.
Numri i armëve të konfiskuara ka shkuar në 34.
“Policia do të vazhdojë të kryejë dhe të realizojë pikat e parapara me këtë urdhër me qëllim që rastet kriminale dhe aktivitet tjera antiligjore të parandalohen dhe zvogëlohen sa më shumë”, thuhet tutje në njoftim.
Njoftimi i plotë:
Prishtinë, më 13.08.2023
Gjatë pesë ditëve (8 deri 12 gusht 2023) të realizimit të detyrave që rrjedhin nga ky urdhër, policia ka shtuar aktivitetet e saja në drejtim të goditjes së personave e grupeve që me veprimet e tyre, mund të bien ndesh me ligjet e vendit.
Gjatë kësaj kohe, me qëllim të ofrimit të një ambienti sa më të qetë, në zonat urbane është bërë shtimi i patrullave policore të njësiteve të ndryshme dhe janë shënuar aktivitetet si në vijim:
• Janë realizuar 2154 Pika Kontrolli për Automjete, 730 prej tyre me radarë dhe alool-test,
• Janë kontrolluar 12038 vetura,
• Janë kontrolluar 229 lokale,
• Janë arrestuar 72 persona, prej tyre 24 me urdhër-arreste nga gjykatat dhe
• Janë konfiskuar 34 armë.
Policia do të vazhdojë të kryejë dhe të realizojë pikat e parapara me këtë urdhër me qëllim që rastet kriminale dhe aktivitet tjera antiligjore të parandalohen dhe zvogëlohen sa më shumë.
Policia e vetëdijshme se rezultatet nuk do të ishin në nivelet e dëshiruara pa bashkëpunimin me qytetarët, i fton të gjithë ata që posedojnë, ose janë prezent në situata ku mund të ketë shkelje ligjore, dukuri tjera tëndaluara, ku shfaqen situata ku mund të rrezikohet jeta e qytetarëve, ta lajmërojnë policinë.
