Ministri britanik për Evropë, Stephen Doughty, ka reaguar ashpër ndaj sulmit të mbrëmshëm në kanalin e ujësjellësit Ibër-Lepenc, duke e quajtur një sulm të qëllimshëm për të dëmtuar jetën e përditshme të qytetarëve të Kosovës.
“Sulmi i tmerrshëm ndaj ujësjellësit të Ibër-Lepencit kishte për qëllim të prishte jetën në të gjithë Kosovën. Përpjekjet e suksesshme të punonjësve të emergjencës për të kufizuar dëmet kanë rikthyer infrastrukturën jetike. Duhet të bëhet një hetim i plotë dhe i menjëhershëm. Ata që janë përgjegjës duhet të mbajnë përgjegjësi,” deklaroi Doughty.
Ai lavdëroi përkushtimin e ekipeve të emergjencës, duke theksuar rëndësinë e veprimeve të shpejta që ndaluan përshkallëzimin e dëmit. Ministri britanik ka kërkuar që autorët të sillen para drejtësisë sa më shpejt, ndërsa rikthimi i shpejtë i shërbimeve jetike mbetet një pikë e rëndësishme për sigurinë e qytetarëve.
Leave a Reply